नुकत्याच येऊन गेलेल्या ‘निसर्ग’ या चक्रीवादळामुळे सह्याद्री पर्वताच्या कुशीतील, विशेषतः रायगड आणि पुणे जिल्ह्यातील, अनेक लहान गावांमध्ये, वाड्या-वस्त्यांमध्ये खूप हानी झाली आहे. उधेवाडी (राजमाची), एकोले, भांबुर्डे (घनगड), ठाकूरवाडी (प्रबळ माची), किल्ल्याची वाडी (माणिकगड) ही त्यातील काही गावे. अशा गावांना मदत करण्यासाठी महा-अॅडव्हेंचर कौन्सिलने (मॅक) एक मोहीम सुरू केली आहे. पर्यावरण आणि सहभागी व्यक्तींच्या सुरक्षिततेची काळजी घेऊन, गिर्यारोहण व अन्य साहरी क्रीडाप्रकारांचे उत्कृष्ट आयोजन करण्याच्या दृष्टीने संस्थांना मार्गदर्शन करण्यासाठी महा-अॅडव्हेंचर कौन्सिलची स्थापना गेल्या वर्षी झाली आहे.
‘सह्याद्रीत, तिथल्या किल्ल्यांवर वर्षानुवर्षे आपण केलेल्या भटकंतीत, निरनिराळ्या साहसात आपल्याला मदतीला धावून येणाऱ्या या लोकांना आज आपली मदत हवी आहे,’ असे आवाहन महा-अॅडव्हेंचर कौन्सिलने गिर्यारोहकांना, तसेच अन्य नागरिकांना केले आहे. या अभियानांतर्गत वादळग्रस्त गावांतील लोकांना घरावरील पत्रे, घरबांधणी साहित्य अशा विविध स्वरूपात मदत केली जाणार असल्याचे संस्थेतर्फे स्पष्ट करण्यात आले आहे. या मदत अभियानासाठी रोख किंवा वस्तू-रूपाने मदत करावी, असे आवाहन करण्यात आले आहे. याबाबत काही विधायक कल्पना-सूचना असल्यास त्याही कळवाव्यात असे सांगण्यात आले आहे.
ज्येष्ठ गिर्यारोहक राजेश गाडगीळ आणि दिलीप लागू या अभियानाचे नेतृत्व करत आहेत.
संपर्क :
राजेश गाडगीळ
ई-मेल : rajesh.gadgil1@gmail.com
मोबाइल : ९८२१० ९४७२५
दिलीप लागू
ई-मेल : dilip@lagubandhu.com
मोबाइल : ९८२०१ ११७४१
देणगीसाठी बँक खात्याचा तपशील :
खातेधारक : गिरिविहार
बँक : एचडीएफसी बँक
बचत खाते क्रमांक : ५०१००१९६४५०७१७
IFSC क्रमांक : HDFC०००००८४
(या खात्यात देणगी दिल्यास देणगीदाराला आयकराच्या 80G या कलमाखाली सूट मिळणार आहे.)
(महा-अॅडव्हेंचर कौन्सिल या संस्थेबद्दल अधिक वाचण्यासाठी येथे क्लिक करा.)